Kryeministri i Kosovës Ramush Haradinaj dënoi vrasjen e politikanit serb Oliver Ivanoviç. Pas mbledhjes së Këshillit Kombëtar të Sigurisë të Kosovës, i shoqëruar nga drejtori i Përgjithshëm i Policisë, Shpend Maxhuni, Haradinaj tha se autoritetet do të bëjnë gjithçka për të zbardhur vrasjen, madje edhe mund të kërkojnë ndihmë të aktorëve të jashtëm si FBI për këtë qëllim.
